«Ярдәм» Әлмирә Әдиятуллинага багышлап газета чыгарды

«Ярдәм» гомуммилли хәйрия фонды журналистлар өчен Әлмирә Әдиятуллина рухын шатландырып «Мөслимә» газетасының махсус санын чыгарды. Анда Әдиатуллина исемендәге журналистлар бүләге турында нигезләмә, Рамазан ае календаре урын алган.

«Ярдәм» гомуммилли хәйрия фонды журналистлар өчен Әлмирә Әдиятуллина рухын шатландырып «Мөслимә» газетасының махсус санын чыгарды. Анда Әдиатуллина исемендәге журналистлар бүләге турында нигезләмә, Рамазан ае календаре урын алган.

Әлмирә Әдиятуллина 2021 елда вафат булды, быел июль аенда аңа 86 яшь тулыр иде. «Журналистика ветераны соңгы дистә елын «Ярдәм» карамагында үткәрде. Фонд аның йорты булды. Бездә ул иҗат, иҗтимагый эш белән шөгыльләнде. Соңгы ике ел урын өстендә ятты. «Ярдәм» аны һәм караучысын ризык, дарулар, кирәк-ярак белән тәэмин итеп торды. Ул — журналистика легендасы.

Бәйгенә мәкалә, сюжет, басмалар 2024 елда март-октябрь айларында кабул ителә. Нәтиҗә декабрь аенда ясала. Бүләк турында нигезләмә «Ярдәм-Помощь» сайтында һәм «Мөслимә» газетасының Рамазан аена чыгарылган шушы махсус тиражында басылды.

  • Әлмирә Лотфулла кызы Әдиятуллина, (Әлмирә Сарьяз) — Татарстанның атказанган мәдәният хезмәткәре. 1938 елның 8 июлендә Башкортстан АССРның Илеш районы Сәеткол авылында туа. 1964 елдан башлап 1993 елга кадәр Казанда «Азат хатын» («Сөембикә») журналларында эшли. Мөселман хатын-кызлары лидеры булды. Паспортка яулык белән фотога төшү хокукын алды. «Мөслимә» газетасын чыгарды. 2021 елда Казанда вафат булды.